सोन्याच्या भावात घसरण, चांदीही स्वस्त

सोन्याच्या किंमतीत मोठी घट झाली आहे. स्थानिक सराफांकडून सोन्याची मागणी घटल्याने, दिल्ली सराफ बाजारात सोन्याचा भाव 90 रूपयांनी घसरला आहे. यामुळे सोन्याचा भाव प्रति 10 ग्रॅम 31 हजार 950 रूपये झाला आहे. व्यावसायिक संस्था, नाणी बनवण्याच्या उद्योगात तेडी नसल्याने, चांदी देखील 200 रूपयांनी घसरली आहे. चांदीचा भाव 37 हजार 800 रूपये प्रतिकिलो झाला आहे.
सराफा बाजारातील तज्ञांच्या मते जागतिक स्तरावर असलेली कमजोर जागतिक संकेत. स्थानिक सोनारांकडून तसेच किरकोळ बाजारातील कारागिरांकडून कमी होत चाललेली मागणी, यामुळे सोन्याचे भाव घसरले आहेत.
दिल्ली सराफ बाजारात 99.9 टक्के आणि 99.5 टक्के शुद्ध सोन्याचा भाव 90-90 रूपयांनी घसरला आहे. 99.9 टक्के शुद्ध सोन्याचा भाव प्रति 10 ग्रँम 31 हजार 950 रूपये, तर 99.5 टक्के शुद्ध सोन्याचा भाव 31 हजार 800 रूपये एवढा आहे. याआधी गुरूवारी सोन्याचा भाव प्रति 10 ग्रॅम 90 रूपयाने वाढला होता.